Bizitza perfektua eta arazorik gabekoa erakutsi beharra eta erreala ez den mundu baten onarpen beharra, mugagabea den hutsunea estaltzeko bidearen bila. Hori da Millenialek sentitzen duguna; kritikatua den generazio honek egi sakon bat izkutatzen du: zoriontasun eza.

Guztiz aldakorra den teknologiaren eraginez, aldaketetara erraz eta azkar ohitzen garen pertsonak gara. Bestalde nartzisistak, berekoiak, helbururik gabekoak eta alperrak garela leporatzen digute, baina guzti hau azken urteetan eguneroko errutina errazteko gizarteak doitu duen “sari azkarraren” mekanismoaren ondorio da. Ustearazi digutenaren kontra nahi dugun dena lortuko ez dugula ikusten dugunean autoestimua urratu egiten da. Generazio hau aurrekoak baino autoestimu txikiagoarekin azten ari da, sekula beteko ez dugun hutsunea betetzeko saiakera jarrai batean. LOSER obrak millenial baten buruan zer dagoen islatzeko helburua du, galtzaile sentsazio hori ere landuz.

50 minutuko bakarkako lana, Bilboko Azkuna Zentroak eta Dansateliers Rotterdamek bultzaturiko Amphytrion laguntzari esker sortua. 2020ko urrian estreinatu zen, Bilboko Azkuna Zentroan eta Donostiako Gazteszenan.